ЗНМ, ИЕП и Институтот КОНИЦА во Скопје: Протокол за информирање за случаи на насилен екстремизам и тероризам

Денес, со присуство на повеќе од 20 учесници се одржа онлајн работилница каде во рамките на проектот “Building resilience against violent terrorism and extremism through reinforced journalists, media and government officials” беше презентиран  „Протоколот за информирање за случаи на насилен екстремизам и тероризам“.

Протоколот за информирање за случаи на насилен екстремизам и тероризам има за цел да одговори на неколку значајни прашања поврзани со подготвеноста на медиумските работници да известуваат за случаи на насилен екстремизам и тероризам.

На работилницата поздравно обраќање имаше Претседателот на Здружението на новинарите на Македонија г-дин Младен Чадиковски кој го истакна своето задоволство од заемната соработка помеѓу новинарите, факултетот за безбедност во Скопје, Институтот за европска перспектива и КОНИЦА институтот во Скопје. Чадиковски потенцираше дека  протоколот за информирање за случаи на насилен екстремизам и тероризам ќе ја унапреди улогата на новинарите и медиумските работници во нивното известување во вакви потенцијални ситуации во иднина.  

Свои обраќања имаа и претставниците на  Институтот за европска перспектива и КОНИЦА институтот во Скопје г-ѓа Елена Миленкоска Михаиловска и г-дин Грамоз Шабани каде го споделија своето задоволство од заедничката соработка во активностите заедно со Здружението на Новинарите на Македонија во рамките на овој проект.

Со кратка презентација и претставување на Протоколот на денешната работилница обраќање имаше и професорот од Факултетот за Безбедност во Скопје, проф. Д-р Никола Дујовски каде ги сподели искуствата но и понатамошните активности во насока на подобрување и унапредување на знаењата и вештините на новинарите и медиумските работници во информирањето во случаите на насилен екстремизам и тероризам.

На работилницата присуствуваа и претставници од Министерството за внатрешни работи, претставникот од Комисијата за односи со верските заедници и религиозни групи како и претставници од Националниот комитет за спречување на насилен екстремизам и борба против тероризам.

Проектот е поддржан од Хедаја институтот за мир во Абу Даби, а се спроведува во соработка помеѓу Здружението на новинарите на Македонија, Институтот за европска перспектива и КОНИЦА институтот во Скопје.