Здружение на новинарите на Mакедонија
Членка на Mеѓународната федерација на новинари IFJ
Основано 1946

Одговор на Претставка добиена од Репропринт ДООЕЛ Скопје Нова Македонија за текст објавен на Онлајн Портал Република

znm_logoWEB
ZNM
вторник 24 април, 2018вторник 24 април, 2018/ вторник 24 април, 2018

Советот на честа на Здружението на новинарите на Македонија, на седницата одржана на 17.04.2018 година ја разгледа претставката поднесена од издавачот на дневниот весник “Нова Македонија“ – Репропринт ДООЕЛ Скопје, за текстот објавен на веб-порталот “Република “ на 12.12 2017 година “Минчо Јорданов: Ќе тужам доколку се користи терминот Нова Македонија“ во која подносителот се жали дека станува збор за измислена и неточна вест.

По анализирање на фактите, Советот утврди дека очигледно станува збор за сатиричен текст сместен во рамките на рубриката “Двоглед“ во која Порталот објавува сатирични текстови за најразлични прашања. Во конкретниот случај текстот алудира на преговорите за името, а во периодот кога е објавен додавката “Нова Македонија“ според медиумските шпекулации беше една од опциите за решение на спорот со името.

Бидејќи станува збор за сатиричен текст – Советот смета дека ваквите написи не треба да бидат разбрани во буквална смисла. Овој на новинарско изразвуање е легитимен и не наоѓаме елементи на прекрушување на етичките стандарди на новинарската професија. Советот апелира во иднина јавните личности да покажат поголем праг на толеранција кон хуморот и сатирата во медиумите.

facebooktwittergoogle_pluslinkedin