Здружение на новинарите на Mакедонија
Членка на Mеѓународната федерација на новинари IFJ
Основано 1946

ЗНМ и Ванхојте ја поздравуваат заложбата на Владата за медиумските реформи

Pres-konferencija
ZNM
петок 30 јуни, 2017петок 30 јуни, 2017/ петок 30 јуни, 2017

Здружението на новинарите на Македонија ја поздравува заложбата на Владата за итни медиумски реформи кои ќе се базираат на предлогот изготвен од страна на европскиот експерт Питер Ванхојте и поддржан од Здружението на новинарите на Македонија (ЗНМ), Самостојниот синдикат на новинари и медиумски работници (ССНМ), Македонскиот институт за медиуми (МИМ), Советот за етика во медиумите во Македонија (СЕММ) и Институтот за комуникациски студии (ИКС).

Претседателот на ЗНМ на денешната прес-конференција соопшти дека доколку измените на законот бидат на линија на предлогот на Ванхојте, тогаш ЗНМ ќе го поддржи процесот на усвојување на законот. „Очекуваме владата брзо и внимателно да го подготви законот. Сега немаме време за губење и за експериментирање. Инсистираме овој предлог да помине во Собранието така како што е предложен, а во наредниот период можеме да отвориме и други прашања, кои се важни за слободата на говорот и слободата на медиумите“, истакна Селмани.

Европскиот експерт Питер Ванхојте сугерираше Министерството за внатрешни работи да изготви извештај за сите напади против новинарите и да ги изведе насилниците пред лицето на правдата. Тој истакна дека праксата на неказнивост мора да престане.

„Апсолутно е неприфатливо новинар да се држи во притвор три години“, рече Ванхојте посочувајќи го случајот на Божиновски.

Тој повтори дека неговиот предлог за итни реформи е одлична основа за сериозен напредок во однос на подобрувањето на медиумското законодавство, која ќе ја зајакне независноста и професионалноста на Македонската радиотелевизија.

Експертот Ванхојте беше во Македонија на покана на ЗНМ со цел здружението да му се заблагодари за неговиот придонес во целиот процес и да ги реафирмира уште еднаш неговите заложби за тоа како и во кој правец треба да се движат медиумските реформи во Македонија.

 

 

facebooktwittergoogle_pluslinkedin
Tags: