Здружение на новинарите на Mакедонија
Членка на Mеѓународната федерација на новинари IFJ
Основано 1946

ЗНМ ќе потпише Меморандум за соработка со Комисијата за слободен пристап до информации

ZNM
Thursday 1 February, 2018Thursday 1 February, 2018/ Thursday 1 February, 2018

Здружението на новинарите на Македонија ќе потпише Меморандум за соработка со Комисијата за заштита на правото за слободен пристап до информациите од јавен карактер, со што ќе отвори можност да се подигне нивото на општествена транспарентност и ќе им се олесни патот на новинарите до информации од државните институции.

Ова на денешната средба го договорија претставници на ЗНМ и Комисијата. На средбата се разговараше како да се оствари блиска а соработка меѓу Здружението и Комисијата со цел да се подобри транспарентноста на јавните институции, но и за да се овозможи побрз и поефикасен пристап на медиумите и граѓаните до информациите од јавен карактер.

Претседателот на ЗНМ, Насер Селмани, истакна дека заедничката соработка треба да биде од корист за сите. „Преку поблиска соработка новинарите ќе дознаат повеќе за законот за слободен пристап до информации од јавен карактер, а кај граѓаните и кај институциите ќе се подигне свеста за важноста од отвореноста на институциите“, рече Селмани.

Првиот човек на Комисијата Ѓорѓи Сламков пак, потенцираше дека во процес е носење на нов закон со кој треба да се овозможи подобро и поефикасно функционирање на ова тело, а истовремено ќе се отвори можност за поголема  и поинтензивна соработка со повеќе општествени чинители.

Со Меморандумот за соработка, се предвидуваат обуки за новинарите за ефикасно користење на законската можност за слободен пристап до информации од јавен карактер, како и јавни кампањи кои ќе придонесат институциите да станат потранспарентни.

Print Friendly, PDF & Email
Facebooktwittergoogle_pluslinkedin
Ознаки: